ဗိသုကာပညာရပ်အတွက်
အမြင့်ဆုံး ဂုဏ်ပြုဆုဟု ဆိုကြသော ဗိသုကာပညာ ပရစ်စကာဆုအတွက် ၂၀၁၁ ခုနှစ် ဆုရှင် အဖြစ်
ပေါ်တီနိုင်ငံသား ဗိသုကာ Eduardo Souto de Moura အရွေးခံခဲ့ရပါသည်၊
သူသည် သူ၏
မွေးရပ် နိုင်ငံဖြစ်သော ပေါ်တူဂီတွင် အဓိက အလုပ်လုပ်ခဲ့သည်၊ လုံးချင်းအိမ်ယာ အမြောက်အများနှင့်
ဘော်လုံးကွင်း ပွဲကြည့်စင်ကို ဒီဇိုင်းပြုလုပ်ခဲ့သည်၊ အခြားသော ပရစ်စကာဆုရှင် ဗိသုကာများကဲ့သို့
နိုင်ငံတကာတွင် ကျော်ကြားသူမဟုတ်သော်လည်း သူ၏ ဗိသုကာလက်ရာများသည် လေးစားလောက်စရာ ဖြစ်ပါသည်၊
(၁၉၉၂) တွင် ပရစ်စကာဆုရှင် ဖြစ်ခဲ့သော ဗိသုကာ Alvaro Siza ပြီးလျှင် Eduardo Souto
de Moura သည် ဒုတိယမြောက် ပေါ်တူကီ နိုင်ငံသားဖြစ်သည်၊
သူ ဗိသုကာအဖြစ်
စတင် ကာစတွင် Alvaro Siza ထံတွင် အလုပ်လုပ်ခဲ့သည်၊ သူ၏ လက်ရာများကို အကဲဖြတ်ရာတွင်
ပေါ်တူနိုင်ငံ၌ (၂၀၀၄) တွင် တည်ဆောက်ပြီးစီးခဲ့သည့် စတေဒီယမ်၊ (၂၀၀၇) ခုနှစ်တွင် တည်ဆောက်ခဲ့သည့်
အထပ်မြင့် ရုံးအဆောက်အအုံ၊ (၂၀၀၈) ခုနှစ်တွင် တည်ဆောက်ပြီးစီးခဲ့သည့် the Paula
Rego Museum တို့ ပါဝင်သည်၊ ပရစ်စကာဆုရွေးချယ်ရေး ဂျူရီအဖွဲ့ဝင်များ၏ ဂုဏ်ပြုစကားများအရ
ဗိသုကာ Eduardo Souto de Moura သည် နှစ်သုံးဆယ်စုအတွင်း လက်ရာများကို ကြည့်ပါက ယခုခေတ်ကို
ကိုယ်စားပြုသည့်အပြင် ဗိသုကာရိုးရာဟန်ရဲ့ ပဲ့တင်ကိုလည်း ထင်ဟပ်ဆောင်ယူလာသည်၊
လက်ရှိဝန်းကျင်ကို
အမြဲအလေးထား၍ နေရာ၊ အချိန်နှင့် အသုံးပြုမည့် အခြေအနေကို အခြေခံကျကျ အာရုံထားသည်ကြောင့်
သူ၏ အကောင်းဆုံးလက်ရာများသည် ခေတ်သစ်လက်ရာများအဖြစ် ထင်ပေါ်နေသည် သာမက ဒေသရဲ့ အခြေအနေကိုပါ
ထင်ရှားစေသည်၊ သူ၏ ၁၉၈၀ လက်ရာဟန်များကို ကြည့်လျှင် ခေတ်မမှီဟု ထင်ရသည်၊ သူသည် တခဏတွင်း
ပေါ်ပေါက်သော လက်ရာများနောက်သို့ မလိုက်ခဲ့ပဲ သူ၏ ဟန်အတိုင်းသာ လုပ်ကိုင်ခဲ့သည်၊ သို့ကြောင့်
အစောပိုင်းလက်ရာများသည် သာမာန်ဟု ထင်စရာ ရှိသော်လည်း ယင်း၏ ရဲရင့်သော လက်ရာဟန်ကို သတိပြုမိနိုင်သည်၊
သူ အောင်မြင်စွာ လုပ်ကိုင်ခဲ့သော လက်ရာများကို ကြည့်၍ အမျိုးအစား ကွဲပြားသော်လည်း ဘက်စုံ
ကျွမ်းကျင်စွာ လုပ်ကိုင်နိုင်ခဲ့သည်ကို သိနိုင်သည်၊ လူနေအိမ်မှအစ မြို့ပြတည်ဆောက်မူတွင်လည်း
ဒီဇိုင်းပြုလုပ်နိုင်သည်၊
၁၉၈၀ခုနှစ်
အစောပိုင်းကာလ လက်ရာများတွင် လူနေအိမ် အမြောက်အများ ပါဝင်ခဲ့သည်၊ သို့သော် နောက်ပိုင်းတွင်
အမျိုးအစား ကျယ်ပြန့်လာသည်၊ (၂၀၀၀) ခုနှစ်တွင် တည်ဆောက်ခဲ့သော The Braga Municipal
Stadium, Portugal သည် ကြီးမားသည့် အထိမ်းအမှတ် အဆောက်အအုံ ဖြစ်သည်၊ (၁၉၉၀) ခုနှစ်များတွင်
ဒီဇိုင်းလုပ်ခဲ့ပြီး၊ ဆယ်စုနှစ်အကြာတွင် တည်ဆောက်ခဲ့သော The Burgo Tower, Portugal
သည် အဆောက်အအုံနှစ်လုံးတွဲ ဖြစ်ပြီး တစ်လုံးက အလျားလိုက်၊ တစ်လုံးမှာ မျဉ်းမတ် တခုနှင့်တခု
ဆက်စပ်နေပြီး မြေခင်း ရူခင်းနှင့်လည်း အပြန်အလှန် ထင်ဟပ်သည်၊ (၂၀၀၈) ခုနှစ်တွင် ပြီးစီးခဲ့သည့်
the Paula Rego Museum မှာ ထုထည်ကြီးများအစုကို သစ်ပင်များကြားတွင် ဖြန့်ကျဲထားခြင်းမှာ
အနုပညာဆန်လှသည်၊
Municipal Stadium, 2003
Paula Rego Museum, Portugal, 2008
ရိုးရိုးရှင်းရှင်း
သူ၏ အဆောက်အအုံများသည် ဒေသ၊ မြေခင်း၊ မြေနေရာ၊ များနှင့် ယှက်နွယ်ဆက်စပ်ထားသည်မှာ ထင်ရှားသည်၊
တြီသြမေတြီပုံသဏ္ဍာန်များသာ ဖြစ်ပြီး ထုသွင်၊ ဟင်းလင်းပြင်၊ အလင်းနှင့် အမှောင်များကို
အပြန်အလှန် ဖော်ထုတ်ခြင်းဖြင့် ဒီဇိုင်း ဖြစ်စေသည်၊
Burgo Tower, Portugal, 2007
Eduardo
Souto de Moura သည် အစစ်အမှန် လှပသော အဆောက်အအုံပစ္စည်းများကို အသုံးပြုသော ဗိသုကာတစ်ဦးအဖြစ်
သိသာသည်၊ အဆောက်အအုံပစ္စည်းများတွင် ကျွမ်းကျင်မူ၊ တည်ဆောက်ခြင်း နားလည်မူတို့ကို သူ၏
အဆောက်အအုံများတွင် တွေ့ရသည်၊ သူသည် နှစ်ထောင်ပေါင်းများစွာ အိုဟောင်းသော ကျောက်တုံးများကိုလည်း
အသုံးပြုဖို့ ၀န်မလေးသကဲ့သို့ ဗိသုကာ မီးစ်ဗင်ဒါရိုး၏ ခေတ်ပေါ် အသေးစိပ်လက်ရာများကို
ကြည့်၍လည်း စိတ်ကူးရယူတတ်သည်၊
(၁၉၉၁) ခုနှစ်တွင်
တည်ဆောက်ခဲ့သည့် the Culture Center တွင် ကော့ပါး၊ ကျောက်တုံး၊ ကွန်ကရစ်နှင့် သစ်သားများကို
ရောစပ် အသုံးပြုထားသည့် သူ၏ ကျွမ်းကျင်မူကို သိနိုင်သည်၊
House in Serra da Arrabida, Portugal, 2002
House in Cascais, Portugal, 2002
Eduardo
Souto de Moura သည် မထင်ပေါ်၊ မထင်ရှားလှသော ဗိသုကာ တယောက်သာ ဖြစ်ခဲ့ပါသည်၊ သူ၏လက်ရာများတွင်
ဗိသုကာသဘောတရားများသည် တခဏ ကြည့်ရုံမျှဖြင့် မသိနိုင်၊ ကဗျာတပုဒ်ကို ဖတ်ရူသကဲ့သို့
ကဗျာဆရာက ပေးသည်ကို စိတ်ဖြင့် လိုက်ပြီး သိနိုင်ရန် နားထောင်ရန် အချိန်လိုသည်၊ သူ၏
လက်ရာများသည် ရိုးသည်၊ ရဲရင့်သည်၊ ထူးခြားသည် ပြီး နီးစပ်သော အာရုံကို ပေးသည်၊ သို့နှင့်
သူသည် ဗိသုကာပညာ ပရစ်စကာဆုကို လက်ခံရရှိခဲ့ပါသည်။
ရေးသားသူ။
။ဗိသုကာ နှစ်
No comments:
Post a Comment